Aba Focus P/S batwire nibashoma omu Lockdown.

723
0
SHARE


Kenneth Kanyesigye

Poriisi ya Kira omuri Kampala eriyo necondooza ahabazaire na mukama w’ishomero rya Focus Primary School eriri omuri Kasokoso omu Munisiparite ya Kira, disiturikiti ya Wakiso, eririkugambwa ngu ritwiire nirishomesa abaana omu bwiire obw’akeshereko.

Poriisi neegira ngu etungire okumayisibwa aha ishomero eri nyomwebazyo 12/08/20 nikwo kuzayo bakashanga riigwire ekirikutaana n’ekiragiro ky’ekitongore ky’ebyamagara ekya Public health akacweeka ka 9(a) omu biragiro by’okwerinda #COVID19.

Poriisi negira ngu ku eherize kutunga okumayisibwa nikwo kuzayo bakashanga okushomesa kurikugyenda omu maisho.
Omu bwire obu bahikiireyo nka shaaha 11:30 z’akasheeshe bashangire abeegi barikuhika omuri 70 bariyo nibashoma.

Mukama w’eishomero obaire nashomesa ishomo ry’ediini ku areebire Pooriisi yatoroka arikurabira omu ka geeti akakye.
Abandi bashomesa nabo batorokire poriisi etakabakwatsire.

Abeegi nabo bairukire nikwo kukwataho 24 ababaasize kubagambira byoona ebitwaire nibigyenda omu maisho ah’ishomero eri.

Bagizire ngu batwire nibashoma kuruga orwokubanza kuhisya orwamukaaga, kutandika na shaaha ikumi nibiri kuhika shaaha itano z’akasheeshe kandi n’abazaire baabo batwire nibabashashurira ebishare kuruga omu kwakana omwaka ogu.

LEAVE A REPLY