Ba paasita 2, abaikiriza 17 baakwatwa ahabw’okujeemera ebiragiro bya Purezidenti

230
0
SHARE

Evans Atwine, Mbarara

Eriizooba ebiro 02/08/2020 aha shaaha 5 z’omukasheshe, pooriisi omuri Mbarara yaakwata ba paasita 2 n’abaikiriza baabo ahabw’okujeemera ekiragiro kya Purezidenti na Minisiture y’eby’amagara aha bya #COVID-19.

Pasita Masengo Rugabirwa hamwe na Pasita Ntungane Patrick ab’ekanisa ya Source Of Healing Church omuri Katete, Nyamitanga, Mbarara City nibo bakwatwa .

Abandi abakwatwa n’abaikiriza baabo abarikwingana 17 aba baaba bagiire omu Kanisa kushaba.

Okurugiirira aha mugambirizi wa pooriisi ahabw’ekicweka kya Rwizi, Samson Kasasira abakwatwa bashangwa bari omu Kanisa bari omu kushaba ekirikuhenda ebiragiro bya Purezidenti ebi yaateireho n’ekitongore ky’eby’amagara n’ekigyendererwa ky’okutangira okujanjaara kw’endwara ya COVID-19.

Kasasira yaashoboorora ngu abakwatwa barimu abakazi 12 hamwe na abashaija 7.

Abakwatwa baateebwaho orubanja rw’okujeemera ebiragiro n’ekigyendererwa ky’okujanjaaza endwara okurugiirira aha eiteeka namba 171 omu Penal Code Act okurugiirira ahari Kasasira.

Abakwatwa boona baakumeirwe aha pooriisi Mbarara. Orubanja ruri aha fayiro namba SD ref 25/02/08/2020.

LEAVE A REPLY