Tinkozire sente omu ‘Lockdown’ – Selecta Jef.

278
0
SHARE

Okwiha obu lockdown etandika ebiro 18.03.2020, abateezi b’ebyoma abaingi emirimo yaabo ekeemerera, okuhisya n’eriizooba.

Turikugambaho na Selecta Jeff, yagira ngu, we takakoraga sente nemwe kwiha lockdown obwetandika ahabw’okuba emyanya ei yaabaire nakoreramu nka, Illusion, La Paronis, Thrones, Beruga, Nomad ekakingwa okuhisya na hati.

“Nka buri muntu weena ori omu ‘music industry’ tihaine sente ezi nkozire kwiha ‘lockdown’ netandika, konka ninyikiririza omuri Ruhanga ngu buri kimwe nikiza kutereera.” Selecta Jef nikwo arikugira.

Jeff amaziina ge genyine ni Kihembo Geoffrey Tumusiime enzaarwa ya disiturikiti ya Kasese.

Akashomera Nkaiga Primary School, St John’s Minor Seminary Kiburara na Manji Memorial.

Ogu nomwikiriza kandi we buri kimwe akakikwatsa Ruhanga kandi yagamba ngu niiwe arikumanya nyencakare ye oku eraabe.

Kugira ngu Kampala nirwo rurembo rukuru orwa Uganda, na buri kimwe niho kirikuhikira nikyo yashariremu okubeerayo.

Obwa DJ abwihiremu abanywani, sente, ekitiinisa okuruga omubantu na munonga abaishiki. Beitu aharubaju orundi, omurimo gu, tigukumwikiriza kuha famire ye obwiire.

Naasiima abahagizi be ahabwa rukundo ei barikumworeka kandi Ruhanga abamuheere omugisha. Nashaba bagume bakundaine n’obuhagizi bweyongere omumaisho.

LEAVE A REPLY