Bazoire eby’enyibano owa kansara Muzamil

603
0
SHARE

Evans Atwine, Mbarara

Eizooba rya nyomwebazyo, pooriisi kuruga aha kitebe ekya Mbarara Central egizire omumaka ga kansara Muzamil Ssekajja kandi bazoireyo ebintu bya kanso ebirikuteekateekwa kuba eby’enyibano.

Muzamil abaire ari omuhandiiki mukuru w’akakiiko k’eby’emirimo (works) omu kanso ya Munisiparite, hati Mbarara City.

Pooriisi okuhika omu maka gye agarikushangwa Nyamityobora, Kakoba, eshangireyo za amatafaari ag’ahansi (pavers) hamwe n’ekitara ebirikuteeberezibwa kuba yabiibire aha kanso akabitwara owe.

Pooriisi ebaire ari hamwe n’ab’eby’okwerinda bya kanso (Enforcement Team) beebembeirwe omuhwezi wa kiraaka w’orurembo (City Clerk) Richard Mugisha baihireyo ebintu ebyo babitwara aha pooriisi nk’ebizibiti.

Omugambirizi wa pooriisi ahabw’ekicweka kya Rwizi, Samson Kasasira ahamize amakuuru aga kandi ashoboroire ngu Muzamil atweire aha “Police bond” arikucoondoozibwa okuhisya obu pooriisi yazoora ebintu ebi omu maka gye.

Okurugiirira ahari Richard, za pavers ezi n’ezaasigaire omu eibiikiro rya kanso (Council Yard) eriri enyima ya Ntare kandi bikarekwayo aba kampuni ya Abubaker ebaire eine tenda y’okukora enguuto za kanso eziri ahansi ya purojekiti ya Uganda Support to Municipal Infrastructure Development (USIMID).

N’ekitara ekibaire kisimbire omumbuga ye, pooriisi ekikwireyo yaakitwara aha pooriisi obwe okucoondoza kurikugumizamu.

Ti murundi gw’okubanza amaka ga Muzamil garikushwijumwa. Omu kwakabiri omwaka ogu, pooriisi eri hamwe na Lt. Col. James Mwesigye, omujwekyerwa wa mukuru w’ihanga ahabwa Mbarara bakaba baagyeireyo bwanyima ya bamwe omuri ba kansara hamwe n’abataka kutwara okwetomboita kwabo omu offiisi zabo.

Baitu we Muzamil Ssekajja ahakanise amakuuru g’okugira ngu ebintu ebi pooriisi eshangire omu maka ge akabyiba. Agizire ngu ebyo n’eby’obutegyeki.

LEAVE A REPLY