Enyin’emwe bahwerekyerereire omumuriro

285
0
SHARE

Nuwagaba Ambrose Katoto

Abaana 3 b’enyin’emwe bookiibwe omuriro kandi baafa ekiro kya nyomwabazyo orw’okubanza y’omuriro kukwata enju yaabo omuri Kibomboza, diviijoni ya Bujumbura omu Munisiparite ya Hoima

Omuriro ogu gubarukireho ahari shaaha 4 n’ekicweka z’ekiro nikwo kwosya Jonathan Muganyizi ow’emyaka 5, Andrew Muhumuza ow’emyaka 4, hamwe na Asumpta Kabanyoro ow’emyaka ebiri.

Munyanyabo omukuru Juliet Tusiime, we ahonire bwanyima y’okuhwerwa okuruga omumuriro ogu hoona ariyo naajanjaba obuhuta bw’amaani.

Derrick Wamani, omutaka omuri Kibomboza naagira ngu bahuriire abaana nibacura barikushaba obuhwezi nikwo kuteera orwigi bakarwigura.

Jonan Wabyona omutaka ondiijo ngu bagyerizeho kujuna abaana 3 abo beitu tibabaasize ahabw’omwika mwingi

William Mugabi, ishe w’abaana abo yaagira ngu habaasa kuba hariho omwinazi acumikire enju ngu ahabw’okuba tihaine kintu kyona eki basigire omunju ekibaire nikibaasa kureeta omuriro ogu. ASP Julius Hakiza Allan, omugambirizi wa Poorisi ahabw’ekyanga ekya Albertine yaayegyekyerera okubarukaho kw’omuriro ogu ahabutafayo bw’abazaire kandi ngu bo nka poorisi baatandika okucondooza.

LEAVE A REPLY