Ninyeshongorera Ruhanga ahabw’okuba niwe yampaire ekiconco – Rachel T

334
0
SHARE

Cynthia Kamusiime

Amaziina gye genyini ni Rachel Tumwebaze, omweshongozi  enzaarwa ya Kabale.

Akatandika kweshongora omwaka gwa 2013, beitu yaabitamu amaani omugwa 2019. Obwa hati yaahikize ebyeshongoro 10 kandi ebindi nabyo birikwija.

Rachel T akachwamu kweshongora eby’ediini, ahabwo’kuba entaranta akagiheebwa Ruhanga n’ahabw’ekyo aine kumugaruriza ekitiinisa kyeye aramweshongorera.

“Nkacwamu kweshongora ediini ahabw’okuba ndaikiriza ngu ekiconco ky’okweshongora kikaruga owa Ruhanga ngu kikozese okumuhimbisa n’okumuheereza ekitiinwa kye.” Rachael T nikwe yagamba.

Kandi yagira ngu arahamya ebyeshongoro byeye birajuna eminyeto mingi nka we. Araheereza mukama ararabira omukweshongora.

Omweshongozi wa “Ndi blessed” , omukweshongora ashangiremu ebirungi byingi nka, okujuna emitima y’abantu, akozire n’abeeshongozi abaramukiraho, abageine n’abantu abekitiinisa kandi yakora emikago nyamwingi.

Beitu harimu nan’emirabanamu nyingi, nka kuburwa sente z’okukora ebyeshongoro, okuteganisibwa abasheija omuby’okweshongora kwonka mukama araguma aramurabyaho mpora mpora.

Abahagizi be boona, arabakunda munonga kandi arabasiima ahabwo’kumushagika kandi yagira ngu ni bingi ebirikwija. “Mugumire embeera eriho Ruhanga araza kugitusinguza.”

Rachael T yahabura abantu okwekwatsa Ruhanga omumbeera egi ei turimu, ahabw’okuba yo egumire kwonka mukama niwe aramara byona nka ekyeshongoro kye ekiri haihi kushohora “Nibihinduka bisya, nyensya yaawe neza kutereera.”

Yagira ngu maama weeye owamuzeire niiwe ky’okureeberaho kye kuba akamwegyesa okweshongora kandi niiwe aramukirira boona. “Maama wangye niiwe ky’okureeberaho kyangye kuba niiwe yanyegise kweshongora, arankirira boona. Maama ndakukunda” Rachael T.

LEAVE A REPLY