Minisita ahaire aba ROKO wiiki emwe kushoboorora ekikyererize akatare ka Central Market kuhwa

211
0
SHARE

Evans Atwine, Mbarara

Minisita wa za Gavumenti z’ebyanga Rapheal Magyezi ahaire kampuni ya ROKO Constructions Ltd abaine tenda y’okwombeka akatare ka rwagati oku baingi barikumanya nka Mbarara Central Market wiiki emwe kushoborora ekikyererize akatare aka kuhwa.

Magyezi aragiire aba kampuni egi okuheerezayo okweshoboororaho kwabo omubutongore kandi kushemerire kuba kuri omubuhandiikye ngu ahabw’okuba obwire obu babaire baheirwe obw’okumariramu omurimo ogu burengire munonga.

Magyezi okuheerezayo okurabura oku n’obu abaire ari n’abeebembezi b’orurembo rwa Mbarara abarimu MP Tusiime Micheal, Meeya Robert Mugabe Kakyebezi, abashuubuzi  n’abandi aha kurambura omurimo ahi gwahika aha kuhendera kwa wiiki ehweire  turikutandika wiiki egi.

Minisita agizire ngu tarikwenda rwekwatso ahabw’endwara ya #COVID19 ngu ahabw’okuba Purezidenti akaragiira ngu emyanya y’okwombeka, eshemereire kugumizamu.

Kampuni ya ROKO Construction Limited niyo yakwatsiibwe omurimo gw’okwombeka akatare aka. Omurimo gukatandika omu kwezi kwa kabiiri omwaka 2018 kandi gukaba guri ogw’okuhwa ebiro 14 by’okwezi kwa kabiiri omwaka ogu 2020.

Beitu Meeya Kakyebezi ashoboroire ngu aba ROKO bakaija bashaba kubongyezayo obwire bw’ameezi eshatu omumaisho okuhisya omukwezi kwa kataano 2020 baitu ahabw’enshonga ya #COVID19, bakashaba okuhitsya okwamunaana omwaka ogu.

LEAVE A REPLY