Landlord akwire edirisa bwanyima y’omurema kuremwa eza “rent”

403
0
SHARE

Evans Atwine, Nyamitanga

Mukama w’amaju (Landlord) omuri Nyamitanga orikumanywa nka Dauma Musafiri akwatsire enju y’omupangisa we yagikuuramu ediirisa n’obumoori ahabw’okumuremwa kushashura sente eziri kumubanzibwa.

Enju ei bakwiremu edirisa n’obumoori n’erikupangisibwa omushaija w’omurema orikumanywa nka Akim Sselutaaya kandi ekikorwa eki akikozaire eizooba rya nyomwebazyo ebiro 01.07.2020.

Sselutaaya ou twashanga aha nju ye yaashoboororera ngu omukama w’enju naamubanja sente ezirikwingana emitwaro 15 z’emyezi 3 zonka.

Yaashoborora ngu okuruga enyima atwaire naashashura ngu kwonka okuremwa kushashura n’okugira ngu turi omu bwire bw’endwara ya #COVID19 tarikukora, aba za boda abakubaire ni baamutwara omu tauni kukora omurimo gwe gw’okubaziira enkaito ni batiina okumutwara ahabw’okutiina okubakwata  kandi ekindi n’omurwaire nk’omuntu.

Omwe omu bataka Sendi Allan yaashoboorora ngu mukama w’amaju aga akwataniise n’omukazi we n’abahara barengyesereize okuteganisa abapangisa baabo.

Dauma Musafiri mukama w’amaju omukugambaho naitwe ashoboroire ngu nibamubeeherera tiwe aihiremu edirisa n’obumoori omunju y’omupangisa ogu. Ngu niwe yabiihiremu arikurwana n’omukazi we hamwe n’abaana basinzire. Yashoborora ngu na sente  ez’okushashurwa n’emitwaro 2 buri kwezi  kandi nabanza Akimu sente z’emyezi 7 ez’okuruga omu kwezi kw’ikumi n’ebiri omwaka oguhweire 2019.

Dad Kalyango, omuhwezi wa ceyaamani LC1 aha siimu yashoborora ngu nka ofiisi ya LC1 abaire yaatahaire omunshonga ezi kandi ngu bakejunisa obushoboorozi bwabo baaragiira mukama w’amaju aga obutagaruka okuteganisa omupangisa ogu okuhitsya Purezidenti Museveni arangiriire ngu endwara ya COVID-19 yaahwaho. Ekindi ngu Akim abaire ashabaire n’emyezi 3 omu maisho  kwetebekanisa kuruga omu maju gye ngu kandi eky’okwiha edirisa omunju n’omushango.

Arabwire abandi bakama b’amaju okurekyeraho okuteganisa abapangisa ngu oragarukye kukikora naija kuvunaanwa ahabw’okuba naaba yaarabyamu ekiragiro kya Purezidenti amaisho.

LEAVE A REPLY