Jomo Mugabe, Kyabwisho kurya obwa  Meeya b’okubanza bwa za Diviijoni za Mbarara City

212
0
SHARE

Evans Atwine, Mbarara

Ceyaamani wa Diviijoni ya Kakiika Gumisiriza Kyabwiso, hamwe na Jomo Mugabe, Ceyaamani wa Diviijoni ya Nyakayojo n’ab’okuba ba meeya b’okubanza okwebembera za Diviijoni 2 za #OruremboMbarara

Okurugiirira ahari Capt. JB Tumusiime Bamuturaki ceeyamaani w’entebe ya kataano ahabwa disiturikiti ya Mbarara na tauni kiraaka wa Mbarara Theophilus Tibihika, ekitebe ekikuru kya Divijoni ya Mbarara City North nikiija kuba kiri ahari Kakiika Divijoni kandi ceeyamani Kyabwiso otweire ari ceyamaani wa Divijoni egyo niwe araabe meeya. Ekitebe ekya Mbarara ey’amashuuma Divijoni nikiija kuba aha Diviijoni ya Nyakayojo  kandi Ceyaamani Jomo Mugabe niwe araabe Meeya.

 

Okuhangaho Mbarara City North Division bagaitsire za Divijoni 3 ezirimu Kakiika, Biharwe hamwe na Kamukuzi  kandi ba ceyamaani  abandi abarimu Muganga Steven owa Biharwe  hamwe na Godfrey Bamwesigye owa Kamukuzi  nibaija kuhinduka ba Kansara omu kanso ya Mbarara City North Division.

Yo Divijoni eya Mbarara City South bakagaita   Kakoba, Nyamitanga hamwe na Nyakayojo  kandi ba ceyaamani abandi abarimu  Hajji. Abas Kazibwe owa Kakoba hamwe na Kajubi Moses owa Nyamitanga  nibaija kuhinduka ba kansara omu kanso ya Mbarara City South Division.

Kyo ekitebe ekya Mbarara City bakiriyo nibaakirondera ah’okukiteeka. Omukoro gw’okwakiira Mbarara City n’ogwa nyenkyakare omu kishaayi Boma.

 

LEAVE A REPLY