25 bakwatwa ahabw’okujeemera eiteeka rya Purezidenti – Mbarara

597
0
SHARE

Evans Atwine

Poorisi omuri Mbarara eine omungaro zaayo abantu aine omumikono yaayo abarikweterera za takisi barikurenga 25 ahabw’okujeemera amateeka agaateirweho mukuru w’ihanga kugyenderwaho omukwetantara endwara ya #COVID19

Omu potoro eyaakorwa akasheshe k’eriizooba ebiro 23.06.2020 shaaha nk’ishatu omu tauni ya Mbarara, poorisi yakwata abantu 10 abarikweterera za takisi aha High Street  kandi abandi 9 baakwatirwa omu Bus Park.

Samson Kasasira, omugambirizi wa poorisi y’ekyanga ekya Rwizi yaagira ngu baakora potoro egi barikugyenderera aabarikweterera za takisi omumwanya ogurikushuuburirwamu munonga okurugiirira ahamateeka ga Purezidenti agarikuha orusa abo abashemereire kukora n’okuzibira abo abaatashemereire kukora.

Kasasira yaagira ngu abaakwatwa bari ahamanja z’okujeemera nk’oku mukuri w’ihanga arikubazibira okukora omubwire obu obwa #COVID19 kandi ngu n’okuhisya obu ebiragiro ebi biraarugyezo nikwo bakatandika kukora.

Okurugiirira ahari Poorisi, ba nyakuteekateekwaho aba bari omumikono ya Poorisi enkuru eya Mbarara kandi emishango yaabo ehandiikirwe omu za fayiro ezi; SD Ref 39/23/06/2020, SD Ref 47/23/06/2020 and SD Ref.41/23/06/2020.

LEAVE A REPLY