Rashford atandikireho ehururu y’okurundaanira abaana ebyokurya

196
0
SHARE

Omuzaani wa kiraabu ya Manchester United kandi omuteebi wa Bungyereza, Marcus Rashford yarundaana sente zirikurenga miriyooni 20 eza pawundi z’okuhwera abaana abaine enjara. Kandi yaagira ngu naza kugumizamu arikurwanisa ekizibu eki akwataneise na FareShare omubwire obu obwa lockdown.

Omu baruha ei yahandiikira ba MPs, yabashaba okushazamu encwamu ei bakozire.

Obupapura (Vouchers) bwa sente zirikwingana sente 15 omuza nibuheebwayo buri wiiki omumaka g’abaana barikuhika miriyooni 1 n’emitwato 30 omuri Bungyereza ababaire nibatunga ebyokurya omumashomero kwonka ba minisita omuri Bungyereza barangiriire ku sente ezi zitarikuza kuheebwayo omubwire obu.

Rashford yagira ngu eihanga nka Bungyereza omumwakagwa 2020 egi eshemereire kuba eri enshonga nkuru okureeba ngu abaana aba baguma nibatunga sente ezi, babaase kubaho.

Rashford yahandiika ahamukutu gwe gwa Twitter arikugira ngu bwanyima y’okuruga ahakutendekwa yatangaarira obushagiki bwona obwaruga omubantu nikwo kwongyera akagira ngu nibetaaga kuba eiraka ry’abaana barikurenga omumitwaro 20 abataine ky’okukora okwihaho okureka kurya omumazooba gatari gamwe na gamwe. 

LEAVE A REPLY