Haakiri pangisa eitaka kwonka otandikye eby’obuhingi – Henry!

770
0
SHARE

Omweshongozi ogu, n’omutooro enzaarwa ya Kyenjojo omu igomborora rya Bugaki. Beitu obwa hati n’omutaka omuri Kireka, Kampala.

Henry nakora ebyeshongoro by’ediini, ebirikugaruramu abantu amaani hamwe n’eby’embaga.

Namanyirwa ahabyeshongoro bye nka “Amaka”, “Success”, “Burungi Butonya”, “Wamanyi” n’ebindi bingi.

Yaahisya emyaka 11 omukweshongora ahakuba akatandika omugwa 2009. obwire obwe akaba ari omu siniya ya 2 atyo yagumizamu arikweshongora okuhisya n’eriizooba.

Obwo arikugambaho na Kamusiime Cynthia, Henry agizire ngu heine abeshongozi abaamureeteire okutandika okweshongora, ahabw’ebyeshongoro byabo n’amaraka gaabo nyamurungi.

“Bobi Wine niiwe yankundiise okweshongora ahabw’omuringo ogu yaabaire nayeshongoramu” Musinguzi nikwo arikugira.

Nayongera agira ngu akatandikira omubyeshongoro by’ensi ahakugira ngu, ba purodyusa na ba DJ abi yabeire ayine nibyo babeire nibakora. Nikwe atyo yaguma nayeshongora , bwanyima ku yamazire kujunwa yatandika kweshongora n’eby’ediini.

Kandi obwa hati, ayiine ekyetengo ky’okweshongora na Pasita Wilson Bugembe, King Saha ahakuba ni banywani be munonga hamwe na Ray G, beitu we takaboine namba ye y’esimu.

Omutsigazi ogu Henry naashaba abantu okwejumbira omukuhinga ahakuba naareeba ebyokurya nibigurwa buriizooba. Okurugiirira ahari we, eki nikimanyisa ngu ómukuhinga harimu sente okukira ezindi buzinesi.

“Lockdown ku yateirweho amaduuka agandi gakakingwa beitu agarikuguza eby’okurya hamwe n’obutare byagumaho, n’ahabw’ekyo abantu twena tushemereire kumanya ngu obuhingi bwine omugasho. Nyowe kinu kyahwaho ninza kutamu amaani maingi kureebeka ngu nahingayo emisiri, kandi ninshaba buri muntu weena, oyiine ekibanja tandika ohingye. otakiine hakire opangise”

Obu mukuru w’eihanga yakingaho entambura zoona, omweshongozi wa “Amaka” akaba yaahika Soroti eizooba eryo. Kandi akagumayo okuhisya obu emotoka z’abantu buntu zigarukire kutambura.

Ahakakye akayiine, agyerizeho okukabagana n’abantu bakye arikurabira aha Mobile Money zabo.

Omweshongozi ogu, ayineho bizinesi endiIjo erikwetwa KLEAR FILMS, nibakwata amabaga ahantambi, bateera n’ebishushani, konka obwa hati tihariho mirimo ahabw’okuba emikoro tekiikirizibwa. Haine n’abaana ababeire nibashomera omu KLEAR FILMS eby’okuteera ebishushani, kukwata vidiyo n’ebindi nabo tibakishoma ,ahakuba ebyo byoona bikeemerezebwa ahabw’okwerinda endwara ya #COVID 19.

“Ninsiima Ruhanga abarweire ba #COVID 19 abu twine omu Uganda, tihaine yafiire n’omwe kandi ninshaba Ruhanga ogume atukwatireho kuhisya okusingura” Henry nikwo arikwongyeraho.

Nayenda ngu abahagizi be boona bagume beerinzire kandi bagumizemu barikukuratira ebiragiro bya Gavumenti omukwetantara endwara ya #COVID19.

Musinguzi Henry ahamikutu ya intaneeti nka Facebook, Twitter na YouTube.

LEAVE A REPLY