Uganda yarabamu okuzaana eza Netball World Youth Cup ogwa 2021

826
0
SHARE

Uganda ebeire eri ey’okutaayayisa amahanga ga Africa omuri Kampala okutoorana eihanga erirajwekyere Africa yoona omunsi yoona.

Uganda yarabamu okuzaana Netball World Youth Cup 2021 omuri Fiji bwanyima y’ekitongore ekirikukurira omupiira ogw’okubaka omunsi yoona, ekya International Netball Federation okucwamu bakashazamu empaka z’emizaano erikubanza yazaanwa reeru ekababaasisa kwetaba omumpaka ezi.
Baakozesa orurengo oru Uganda na tiimu ezindi zoona ziriho omumupiira ogu omunsi yoona okutoorana za tiimu ezirazaane omumpaka ezi omwaka ogurikwija.

Empaka ezi ez’okutooranamu zibaire ziri ez’okubaho omuri Africa, Americas, Europe hamwe na Oceania omukw’ikumi 2020, kwonka zikemerezibwa ahabwa Coronavirus.

Abarikukurira akakiiko k’ekibiina kya INF nibagira ngu tibarikubaasa kuta amagara g’abazaani hamwe n’abatendeki omukabi nikwo kucwamu kushazamu empaka ezi.

Uganda ebaire neza kutayayisa amahanga ga Africa omuri Kampala okutoorana orabajwekyere kwonka tikibaasikire.

Team ya Uganda enkuru eri omumwanya gwa mukaaga omunsi yoona, kandi omuri Africa neyakabiri erikukurata ahari South Africa kandi Malawi n’eya kashatu.

LEAVE A REPLY