Obutumwa bwa FIFA owa FUFA ahamugyenzi Jimmy Kirunda

740
0
SHARE

Orikwebembera ekigombe ekirikukurira omupiira omunsi yoona, Federation of International Football Associations (FIFA) Gianni Infantino, yayohereza obutumwa arikushaasha n’ekibiina ekirikukurira omupiira gw’ebigyere omuri Uganda ekya FUFA, hamwe n’ab’eka y’ omugyenzi Jimmy Kirunda hamwe n’abarikukunda omupiira boona omuri Uganda.

Okusasira oku yakuherezayo arikurabira omuri President wa FUFA:

“Ahabw’abashagiki b’omupiira omunsi yoona, ninyenda kuhisya okushaasha kwitu ow’ekibiina ekirikukurira omupiira gw’ebigyere omu Uganda, ab’eka ya Jimmy, abanyabuzaare n’abanyamikago. Turi naimwe omubusaasi.

Twine amatsiko ngu ebiturikumwijukiraho hamwe n’obutumwa bw’okubahamya n’eby’okubareetera obusingye n’okuhama omubwire bugumire obu.”

Jimmy Kirunda akaba Kaputeyini wa Uganda okumara emyaka 10 kandi akazaana emirundi eshaatu omumpaka za Africa Cup of Nations omugwa 1974, 1976 na 1978
Akasingurira Uganda Cecafa Cup omumwaka gwa 1969, 1970, 1973, 1976 na 1977.

Akaija yarendeka tiimu y’ihanga eya Cranes kandi yasingura ebikopo bya Cecafa emirundi eshatu (1989, 1990 hamwe na 1992).
Akasingura ebikopo bya liigi ya Uganda na KCC omugwa 1976, 1977 na 1981 hamwe na ebicopo bibiri bya Uganda Cup omuri 1980 na 1984.

Akasingura league title na club ya Villa (1982) hamwe na Uganda Cup omugwa 1983.

Abu arikuzaarwa nabo, William Kityo na Dick Bintanula, bakazaanira KCC hamwe na Mulago.

Jimmy akateeba goora nyingi omu liigi omumwaka gwa 1978 kandi akaba aine goora 32.

LEAVE A REPLY