Hon. Kabafunzaki aguriire Rukiga motoka y’irwariro

706
0
SHARE

Michael Tumwakire, Rukiga

Owek. Herbert Kabafunzaki ayongyeire yaaheereza abarikukora emirimo y’okurwanisa n’okwetantara okujanjaara kwa COVID19 aha disiturikiti ya Rukiga emotoka y’irwariro eya kabiri. Emotoka egi ehairwe eirwariro erya Kamwezi Health Centre 4 erikwatana na Rwanda.

Kabafunzaki naagira ngu ayongyeireho miriyooni 20 ezaarugire omu ishengyero nikwo kugura ambulance egi ahasente zirikwingana shiringi miriyooni 95.

Egi eyakiirwe RDC wa Rukiga, Muhindo Pulkeria, arikwebembera akakiiko akarikukora emirimo y’okurwanisa Coronavirus kandi omwebarize ahabw’okushagika ekikoosi kyabo eky’eby’amagara arikubaha motoka egi.

Disiturikiti ya Rukiga ebaire etaine motoka yoona ey’eby’amagara bwanyima ya ei batwaire baine kutunga obuzibu obutarikubaasa kukanikisibwa.

Kabafunzaki hoona nabwo ahaire obwenda bw’ahamaisho kuhwera abantu ba Rukiga omukwerinda n’okurwanisa endwara ya COVID19

LEAVE A REPLY