Hon. Kibaaju ahaire Sheema taani 12 z’obuhunga

961
0
SHARE
Micheal Atwakiire, Sheema

Omuny’ishengyero ahabwa Sheema ey’amatemba Naome Kibaaju Ntebekeine eizooba rya nyomwabazyo ahaireyo taani 12 z’obuhunga omukakiiko akarikukora emirimo y’okwetantara n’okurwanisa Coronavirus omudisiturikiti ya Sheema.

Kibaaju nagira ngu buri kyaro omuri Sheema ey’amatemba nihaija kuba nihatungamu amaka 15 kurugiirira aharukarara oruhairweyo bakuru b’ebyaaro abaahandiikire abantu embura-bure abataine ky’okurya.

Kibaaju ayongyeire yaaraganisa a taani 6 z’obuhunga ezi yarikugira ngu naaza kuziha abavugi ba boda boda omuri Sheema ey’amatemba wiiki erikwiija hamwe n’embibo z’ebicoori ezi arikugira ngu niziza kutungwa buri ka omuri Sheema okugira ngu abantu babibyare barwanise enjara kandi ngu buri muntu orengyize emyaaka 65 omuri Sheema ey’amatemba naija kutunga obwenda bw’okweshangira ahamaisho obwa busha obu agizire ngu yaatandikire kukozesa.
Kibaaju abaire nayongyera ahamiriyooni 2 ezi yabaire yahaire akakiiko k’okurwanisa Coronavirus omudisiturikiti ya Sheema oteireho n’okugurira buri katauni omuri Sheema ey’amatemba ka taapu k’okunaabiraho engaro hamwe na sabuuni kandi enyimaho amazire kugarurayo miriyooni 20 ezabaire zibahairwe.
RDC Kyereere Frank asiimire MP Kibaaju arikugira ngu atandikire kukora eby’okutangaaza omu disiturikiti ya Sheema.

LEAVE A REPLY