Omuzaani owaabeihire ngu akafa ashangirwe omu ikorero ry’emibazi omu Bugirimaani

1032
0
SHARE

Omuzaani w’omupira okuruga omu ihanga rya Congo owateekateekirweho kuba yaafeire emyaka 4 enyima yashangwa ahuriire arigye kandi arikutuura omu ihanga rya Germany.

Owabaireho omuzaani muto wa Schalke, Hiannick Kamba, oine emyaka 33, akarangwa kuba yaitsirwe butandu ya motoka arikuza omu ihanga ry’owaabo omumwaka gwa 2016.

Obwire obwo kiraabu ye eya VfB Huls, ekashasha ahabw’okufeerwa omuzaani wayo.

Beitu hati nikyoreka ngu omuzani ogu ahurire kandi natuura omu rurembo rwa Gelsenkirchen, haihi na Dortmund, omuri Burengyerwa-izooba bwa Germany.

Owaabaire ari omukazi wa Kamba obwa hati Arita nakyondoozibwaho bwanyima y’okutwara sente nyingi okuruga omuri inshuwarensi iba yaheza kufa omumuringo gutarikwetegyerezibwa.

Kamba nawe naija kuheerezayo obujurizi oburikugira ngu akaba atarikumanya ebikorwa by’omukazi we.

Nikigambwa ngu akarekwa omu ihanga rya Congo ataine bihandiiko ebirikumugambaho nikwo kuhandiika arikushaba okugaruka omu ihanga rya Germany emyaka 2 enyima. Kuruga obwo akaija yagaruka n’ahamurimo gwe ogu yaabaire nakora nk’omutabuzi w’emibazi ahabwa kampuni emwe y’amashanyarazi.

Kamba akaba ari omu Schalke hamwe n’omukwatsi wa goora w’amaani omuri Germany Manuel Neuer.

Kamba nagira ngu bagyenzi be bakamurekaho nyekiro obu baabaire bari omunda omuri Congo omukw’okubanza 2016 bagyenda n’ebipapura bye, sente hamwe n’esimu ye.

Ab’eka ya Kamba bakabingwa kuruga omuri Germany omugwa 2005 bwanyima y’okuruga omuri Congo emyaka 19 enyima.

Beitu Kamba akaikirizibwa kuguma omuri Germany ahabw’okuba akaba ari omuzaani murungi muto ahari Schalke.

Ogu akamara obwire bwingi arikuzanira za club zitari zimwe na zimwe okwetoroora eihanga rya Germany.

LEAVE A REPLY