Loris Karius, owa Liverpool, asharizemu endagaano na Besiktas

814
0
SHARE

Omukwatsi wa goora omu kiraabu ya Liverpool, Loris Karius asharizemu endagaano ye ey’emyaka 2 ey’okuzaanira kiraabu ya Besiktas omuri Turkey aha looni.

Karius ow’emyaka 26 yaaba ari omumwaka gwa kabiri omuri Istanbul kandi abaire yazaana emizaano 30 obu siizoni ebaire etakemereziibwe ahabwa coronavirus.

Karius arikurabira ahamukutu gwe ogwa Instagram, nagira ngu n’eky’okushwazana okuhendera ati.

Okwezi okuhweire akahababira Besiktas omuba FIFA ahabw’obutashashurwa omurundi gwa kabiri hoona n’obu baraabe baizire bakashoboorera enshonga egi FIFA etabitaahiremu.

Eki kikagyemesereza endagaano ya Karius kushazibwamu obwo Besiktas erikumushashura sente zirikwingana £400,000.

Karius, akaba ahereire kuzaanira Liverpool obu basingwa Real Madrid omumpaka za kamariirizo eza Champions League omugw 2018.

Nagira ngu abaire nakunda okuzaanira kiraabu egi kandi yasiima n’abahagizi be abarikumukunda n’okumuhagira.

LEAVE A REPLY