Pochettino kuba omwe omuri ba kooki abarikukizayo omushaara

872
0
SHARE

Estar Ahurira

Omutendeki w’omupiira, owaatwaire kiraabu ya Tottenham omurundi gw’okubanza ahari kamariirizo y’empaka z’ekikopo kya kiraabu za Buraaya Mauricio Roberto Pochettino obwa hati abaasa kuraara kandi yayetungira omurimo gw’ebishaju ahari kiraabu ya Newcastle United, ku abaharabu aba Saudi Public Investment Fund baraagure tiimu egi.

Okurugiirira ahanteekateeka ei abaharabu aba bainiire Newcastle, Pochettino, enzaarwa ya Argentina, niwe arikubanza omubiteekateeko byabo kandi nibabaasa kuraara baamuha omushaara gurikuhika miriyooni 19 eza pawundi buri mwaka obwo arikutendeka kiraabu egi.

Enteekateeka egi ku eraarabemu, Pochettino naija kuba owa kashatu ahabatendeki abarikushashurwa sente nyingi arikukuratira Diego Simeone owa Atletico Madrid orikutunga miriyooni 36 za pawundi na Pep Guardiola owa Manchester City orikutunga miriyooni 20 za pawundi.

Pochettino atwire ataine murimo okw’ikumi na kumwe omwaka oguhwaire bwanyima y’okubingwa omu kiraabu ya Tottenham arikusikirwa Jose Mourinho kandi nareebeka nk’orikwenda omurimo ogu.

Manegya wa Newcastle oriho hati, Steve Bruce, n’ow’okugumaho kuhisya ahamuheru gwa siizoni egi kandi Pochettino yaaba atatungire omurimo ogu, Rafael Benitez, owaatwaireho ekikopo kya Champions League na kiraabu ya Liverpool kandi owaabaire yatendekireho Newcastle abaasa kugaruka ahamurimo ogu.

LEAVE A REPLY