Abarikushisha ekibumbe kyangye nibatwaza nk’abaana – Zlatan

961
0
SHARE

Esther Ahurira

Zlatan Ibrahimovic, omuzaani w’omupiira rurangaanwa nagira ngu abantu abasiisire ekibumbe kye nibateekateeka nk’abaana bato. Ngu ahabw’okuba ebi yakozire byo nibiza kugumaho ebiro byona.

Omuteebi wa AC Milan hati natendekyerwa omuri Sweden ahabw’okugira ngu kiraabu ye omuri Italy ekingirweho ahabwa Coronavirus.

Bwanyima y’okuta sente ze omuri Hammarby omwaka oguhwaire, abantu bakashisha ekibumbe kye barikukishisha omutwe aheru ya Boyhood Club.

Ibrahimovic nagira ngu n’eky’okushwazana abantu kukora ebintu nk’ebyo kandi ngu n’abaine enteekateeka y’ekyana munonga.

Arikugamba ahanshonga egi omurundi gw’okubanza nagira ngu okushisha ekibumbe tikirikumanyisa okushangura ebintu bingi, birungi ebi yakozire ahabw’okuba byo n’eby’okugumaho ebiro byona.

Akazaaniraho Juventus hamwe na Barcelona yaija yagaruka Milan ahandagaano y’okumara ameezi 6 omukw’ikumin’ebiri bwanyima y’okuruga omuri LA Galaxy.

LEAVE A REPLY