FUFA yaahayo taani 12.5 z’omuceeri kurwanisa #COVID19

1158
0
SHARE

Ahurira Esther

Ekibiina ekirikukurira omupiira gw’ebigyere ekya Federation of Uganda Football Association (FUFA) akasheshe k’eriizooba kyahayo omuceeri gurikwingana kiro 12,500 nk’obuhwezi bw’ebyokurya kugabirwa abo abu embeera y’endwara ya #COVID19 ekwatsireho munonga.

Obuhwezi kandi nabwo nibwija kuhwera ahabantu barikuhika 2,000 abarimu abazaani b’omupiira hamwe n’abandi ababaire batakishashurwa bwanyima y’emizaano kwemerezibwa kandi bakarekyera aho okushashurwa.

Aba barimu abazaani n’abakozi b’omu Uganda Premier League, FUFA Big League, FUFA Women Super League hamwe na FUFA Women Elite League

Orikwebembera FUFA, Moses Magogo, niwe yayebembera okuhayo obuhwezi obu kandi Minister w’eby’emirimo of ofiisi y’enganzi y’ihanga omuri Kampala, Hon. Mary Karooro Okurut niwe yayebembera akakiiko k’eby’emirimo okwakiira obuhwezi obu

“Twashemerererwa obuhwezi obu kandi nibwija kuhwera ahabintu ebi tubaire twatungire. Nituhabura buri omwe okuguma ari omumbeera y’amagara omubwire obu,” Minisita Karooro yagira.

Moses Magogo yaagira ngu FUFA ehuriire omuranga gwa mukuru w’ihanga, ori omushagiki mukuru w’omupiira, nikwo kuha taani 12 n’ekicweka ez’omuceeri  turikurabira omu ofiisi y’enganzi y’ihanga nk’obuhwezi bw’okugumizamu emirimo y’okurwanisa endwara egi

Obuhwezi obu nibwijaho bwanyima ya zimwe omuri za kiraabu z’amaani ez’eihanga omumpaka za Uganda Premier League nka SC Villa, nibagira ngu baaza kuheza ameezi 5 batashashwirwe.

Eby’emizaano biteganisiibwe munonga bwanyima ya gavumenti okurangirira okukingaho hamwe n’okwemereza emirimo omu ihanga ekyareeteire emizaano yoona yayemerera kandi n’abazaani baaguma omumaka gaabo.

Empaka za Uganda Premier League zibaire ziri ez’okugarukamu omukwezi kwakataano ebiro 5 kwonka eki nikibaasa kurema bwanyima ya gavumenti kwongyezayo obwire obu abantu batashemereire kutamba-tambura hamwe n’okwerundaanira omunkuyanja nk’omubishaayi n’ahandi.

LEAVE A REPLY