Abashaho babuzire ah’irwariro rya Kilembe

1772
0
SHARE

Gilbert Muhanguzi, Kasese

Emirimo enshanyaraire ah’irwariro rya Kilembe mines ahabw’abashaho kuburaho. Abarikurira eirwariro eri nibagira ngu tibaine ntambura kandi abaingi nibatuura hare n’eirwariro eri.

Ebi byagambwa obubabaire nibatunga ebintu okuruga omukitongore kya African EMS Nyamwamba Limited ebirimu sanitizers, boots, tents hamwe n’ebindi ebiraije kuhweraho abashaho omukurwanisa endwaara ya Covid-19.

Eirwariro rya Kilembe Mines nirishangwa omuri Kilembe, Diviijoni ya Bulembia omu Munisiparite ya Kasese kandi n’irwariro rikuru ahabw’okushanga ngu niriragurira abarwaire okuruga omudisiturikiti zitari zimwe na zimwe nka Bunyangabu, Rubirizi n’ezindi

Dr. Edward Wefula arikukurira eirwariro rya Kilembe Mines nagira ngu motoka enkye ezi baine tiziine majuta, ekigyemesereize kuhindura omu nkora y’emirimo.

Lt. Joe Walusimbi ori omujwekyerwa wa Purezidenti ahabwa disiturikiti ya Kasese we nagira ngu nibaija kurwanisa oburwaire bwa covid-19.

Beitu abarwaire bo nibakihamya ku n’amazima okutunga obujanjanabi aha irwariro eryo ni amaino ga ruguru.

LEAVE A REPLY