Eza Italy zibaasa kutandika omukwakataano

1222
0
SHARE

Empaka z’emipiira omuri Italy eza liigi ya Serie A zikeemerezibwa kwiha okwakashatu ebiro 9 ahabwa endwara ya Coronavirus.

Tihariho ebiro ebyateirweho obu empaka ezi ziraagarukyemu omuri Italy, n’encuro ezindi zoona 12 oteireho n’empiira eyaabaire yaatebeekanisiibwe kuzaanwa.

“Bwanyima embeera ku eratereere, nitwija kuheza eza championship” orikukurira ekibiina ekirikutegyeka eby’emipiira Gabriele Gravina nikwo arikugira.

Arikugamba n’omukutu gumwe ogw’amakuru omuri Italy, agumiizemu yagira ngu  nihaija kubaho orukiiko rw’aho n’aho ahi baraakorere ebigyenderwaho.

Nagira ngu nateekateeka ngu nibaija kutandika aha kutandika kw’okwezi kwa kataano ahi baratandikye n’okukyebera abazaani kuhamya ku boona barigye bataine Coronavirus.

Nagira ngu eki barikwenda n’okureeba ngu baaheza emizaano egi eya championships.

Italy ni rimwe ahamahanga agateirwe munonga endwara ya coronavirus ahu abazaani baingi bakwatsirwe endwara egi.

Juventus niyo eyebembeire n’akabonero 1 ahaiguru ya Lazio hamwe n’obubonero 9 obu erikukiza Inter Milan eri omumwanya gwa kashatu.

LEAVE A REPLY