Gabon nibenda Aubameyang aze omukiraabu ez’amaani

1192
0
SHARE

Omuzaani wa kiraabu ya Arsenal Pierre-Emerick Aubameyang nayenda ngu ate omukono ahandagaano okuruga omuri za kiraabu ez’amaani. Ebi byagambwa orikukurira ekibiina ekirikwebembera omupiira gw’ebigyere omuri Gabon ekya Gabon Football Association.

Omuteebi ogu akahendera siizoni ehwaire ari omwe omubateebire za gooro nyingi omumpaka za Premier League na gooro 22. Endagaano ye na Arsenal nehwayo ahamuheru gwa siizoni eya 2020-21.

Obwa hati akiri omukiraabu egi, beitu tayine eki yasingire ekirikworeka ngu aremirwe, Pierre Alain Mounguengui nikwo yagambira omukutu gw’amakuru ogwa ESPN. ’Tindikwenda kugira ngu Arsenal ti kiraabu y’amaani kwonka tibarikufayo munonga nka za kiraabu ezindi ez’amaani omuri Buraaya.’

Okwezi okuhwaire omutendeki wa Arsenal Mikel Arteta akagira ngu nayenda Aubameyang agume omu kiraabu egi kandi nibaija kuba nibagaaniira oku barayongyezeyo endagaano ye siizoni egi etakahwaire.

Omuzaani ogu orikuruga omu ihanga rya Gabon ateebire gooro 20 omumizaano yoona ahabwa Arsenal kuruga 2019-20 kandi za kiraabu ezirikumwenda harimu Barcelona na Inter Milan.

Kuruga aza omu kiraabu ya Arsenal aha sente zirikwingana miriyooni 56 eza pawundi arikuruga omuri Borussia Dortmund omu 2018, Aubameyang azingirwe omu bikopo bingi nka Europa League hamwe na Carabao Cup.

LEAVE A REPLY