Ronaldinho na mwine nyina baarekurwa kuruga omukihome

1419
0
SHARE

Owaabaireho omuzaani w’omupiira rurangaanwa Ronaldo de Assis Moreira ou baingi barikumanya nka Gaucho Ronaldinho yarekurwa kuruga omukihome omu ihanga rya Paraguay akomeirwe ahamanja z’okutaaha omu ihanga eri

Obwa hati naza kuuba narindirwa omuka.

Ronaldinho n’omurumuna bakakomwa okwezi okwahweire beitu hati babaire bategyereize okucwerwa orubanja kwonka omuhoreereza waabo ahaireyo sente z’okumwemerera ezirikwingana obuririira 6 omuza Uganda

Omuramuzi wa Paraguay nyomwebazyo orwakabiri aragiire okurekurwa kw’omuzaani w’amaani owa Brazil Ronaldinho hamwe na mwine nyina, De Assis Moreira Roberto, kandi yaragiira ngu bagume bakumiirwe omuka okuhistya obu baraabacwere omushango ahabw’ okukozesa za ebihandiiko n’endanga-muntu z’ ebicupuri kutaaha omu ihanga rya Paraguay.

Okurugiirira ahamuramuzi Gustavo Amarilla nyin’emwe aba nibaikirizibwa kuguma omu hoteeri emwe obwo abahoreereza be barikugyeza kwihayo ekiteekateeko ky’okumuta omukihome.

Abarikumuhoreereza nibenda ngu ataza omukihome ahabw’okugira ngu n’omuntu w’amaani ahabw’ihanga rye hamwe n’omunsi yoona

Ronaldinho ohikize emyaka 40 ebiro 21 okwezi okuhwaire amazire ebiro 32 omukihome beitu n’obu araabe atatungire kaire k’okujaguza kurungi amazaarwa gye kwonka abasibe bataahi be bamukoreire keeki ah’izooba eryo

Ronaldinho akahuumura omupiira omugwa 2015 bwanyima y’okutwara ekiconco ekya Balon d’Or, ekiconco ky’okuba omuzaani murungi w’ensi yoona emirundi 2 kuruga omubiina ky’abarikuzaana omupiira ogw’okushashurwa, ekikopo kya Champions League omu tiimu ya Barcelona hamwe na ekikopo ky’ensi yoona eky’omupiira gw’ebigyere ahabw’ihanga rye erya Brazil omugwa 2002

LEAVE A REPLY