Obujurizi bw’ebituga omukaruuru ka World Cup burugireyo

1308
0
SHARE

Abaramuzi batungire obujurizi busya oburikworeka enguzi ayahairwe abakuru omukakiiko akakuru aka FIFA ngu batoorane eihanga rya Qatar okuba niyo haaza emizaano y’ekikopo ky’ensi yoona eky’omwaka 2022.

Obujurizi obu obutungirwe orw’okubanza Omuri US District Court omuri Brooklyn nibworeka ngu Nicolas Leoz, owabaire ari mukuru w’ekibiina ekirikukurira eby’omupiira gw’ebigyere ekya Amerika ey’amashuuma ekya CONMEBOL, hamwe n’owabaire nayebembera eby’omupiira omu ihanga rya Brazil Ricardo Teixeira, bakaikiriza ebituga okuteerera n’okutoorana Gulf State omurukiiko rukuru orw’akakiiko aka FIFA omugwa 2010

Nikyoreka ngu Jack Warner owa Trinidad & Tobago, owabaire nayebembera akakiiko karikukurira eby’emipiira omukicweka ekya North, Central American & Caribbean aka CONCACAF, akatunga sente zirikwingana miriyooni 5 eza doora  omubituga okutoorana Russia oku etaayayisa emizaano y’ekikopo ky’ensi yoona ey’omwaka 2018

Omushango ogu gutwairwe omuri US bwanyima y’ebigombe ebirikurinda amateeka byebembeirwe ekya Federal Bureau of Investigations (FBI), byakozire okucondooza bwanyima y’ okubarukaho okwetomboita ngu habaasa kuba harimu obushomankuzi oburikugyenda omumaisho omubitongore ebi ebirikukurira omupira na munonga ahakikopo ky’ensi yoona eky’omwaka ogwa 2018 n’ogwa 2022.

LEAVE A REPLY