Manchester United kugura, kaputeni wa Arsenal, Aubameyang!

386
0
SHARE

Bungyereza

Manchester United yaataho sente zirikwingana miriyooni 50 eza pawundi kutwara omuzaani kuruga omu ihanga rya Gabon, omuteebi kandi kaputeni wa kiraabu ya Arsenal, Pierre-Emerick Aubameyang.

Eki nikiijaho bwanyima y’endagaano y’omuzaani ogu kuhika ahakuburayo omwaka gumwe obwo atarikwetengyeesa kugitaho omukono arikugyongyezayo. Tiimu ezindi ezirimu Barcelona na Paris Saint-Germain (PSG) nazo nizimwenda. Arsenal ekashashura Borussia Dortmund sente zirikwingana miriyooni 56 eza pawundi okutunga omuzani ogu omukwezi kw’okubanza 2018.

Ebyo bikiri aho, kiraabu ya Manchester United eikiriize kuguza omuzaani waayo, Paul Lebile Pogba bwanyima y’okusharwa ebeeyi akabarirwa ahansi ya miriyooni 100 eza pawundi.

Enshumi nkye ehingwire obu omuzaani ogu abaire atakatungire buhuta, abaire naabarirwa ahari miriyooni zirikurenga omuri 150 eza pawundi. Orikumusherurira akatare, naagira ngu naija kutwara omuzaani w’amaani omu kiraabu ya Real Madrid n’obu araabe atakagambire eiziina.

LEAVE A REPLY