Winston Rwankore Rutehenda yaarya ak’obwa NRM ataine kihakanisa

3150
0
SHARE

Za municipality na za disiturikiti ensya eriizooba zaasiiba omu kuronda obukiiko bw’ekigombe kya NRM.

Ahabw’ibanda municipality Winston Rwankore Rutehenda yaarabaho ataine kihakanisa okutwara eya mukuru w’entebe.

Ekigombe nikitoorana abajwekyerwa abarayetabe omu kwehereera omuri Namboole ebiro 25 okwezi oku.

Munisiparite y’Ibanda n’emwe omuri za Munisiparite hamwe na disiturikiti ensya ezasiiba nizironda obukiiko bw’ekibiina ekya NRM kwenda kushushana n’ezindi ezaronzire omumwaka gwa 2016.

Akaruru aka bwanyima y’okuteerwa kabarirwaho kandi bamwe bataaha n’amashemerwerwa bwanyima y’okusingura kandi abandi barabaho bataine  kihakanisa.

Obukiiko obu bugyedereirwe kwijuza emyanya y’ekibiina eyasigaire etainemu beebembezi ekibaire kyatandikire kucumbagiza obuheereza bw’ekibiina kya NRM.

Omuri Kiruhura na Kazo, okwijuza obukiiko obu kyakorwa omurundi gumwe ahabw’obutashisha bwire.

Entebe ezatooranwa harimu ey’omuhwezi wa Ceyamaani, ow’eby’esente, obukiiko bw’abakazi hamwe n’endiijo.

 

LEAVE A REPLY