Ngu Ceeyamaani LC 1 nayenda kuguza eitaka eri ishe yaasigire

531
0
SHARE

Thomas Tumwebaze, Kagadi

Habireho akavuyo obwe ab’eka y’omugenzi Leo Kateeba kutabukira mukuru waabo kandi ari mukuru w’entebe y’okubanza wa Nyakabaale omu gomborora rya Bwikara.

Aba nibagira ngu mukuru waabo naayenda kuguza eitaka eri ishe yaasigireho.

Omugenzi Leo Kateeba akafa omu mwaka 2003 arikusiga abakazi 2 hamwe n’abaana abarikurenga 15 kandi abu barikugira ngu bamwe mukuru wabo akababinga ah’itaka eri.

Nibagaruka bajunana mukuru wabo okukozesa offiisi ye kubi kandi akaguma natinisiriza okubateka omukihome nikwe atware eitaka eri.

Bitu kandi bo abarikujunanwa omunshonga ezi Simon Magezi na Patrick Businge nibagira ngu bagyenzi babo nibabaharanira busha ahabwokuba eitaka eri barikutunda neryabo eri baguzire n’esente zabo.

Lillian Ruteraho ori RDC wa district ya Kagadi arabwire ab’eka egi kurekeraho okureta obuvuyo omuka egi ahabwokuba ngu enshonga zabo zitwire ziri kwetorora omuma ofiisi goona aga district.

Aba batwire nibajunana bagyenzi babo ngu beine sirimu kandi ngu nibaza kufa bwangu Baguma nibarwanira eitaka eri ekintu eki RDC ajumirire.

Eitaka eri barikurwanira niryingana acre 1 kandi harimu nekizaniro ky’omupiira eki babaganisemu hagati y’abaana ab’eka egi.

LEAVE A REPLY