Disiturikiti ya Rubanda egarukire yaataahirirwa enzito

180
0
SHARE

Uziah Tusasire, Rubanda

Disiturikiti ya Rubanda egarukire yaataahirirwa enzito kandi hati ezi zireeteirwe omu kyaro kya Nyakabungo omuri Kashasha Bufundi Sub County ahu Sipiika wa disiturikiti Gerald Akambasa arikuruga.

Omwaka oguhwaire enzito zikataahirira egomborora ya Muko hamwe na Bufundi zaayenda kumaraho abantu, okuhisya ab’ekitongore kya National Drug Authority kyarugiire Kampala kuhwera abantu aba.

Ezi, zitaahirire abakazi bakuru, abana bato nangwa n’abashaija kandi obwa hati tibaakiine n’agatambura. Nibasiiba omuka bashutami.

Abantu abarikumanywa nka Abatwa nibo bakirizeyo kubonabona kandi nibagira ngu bo, kwiha gavumenti ebabinga omumahamba gaabo, tibakatunga ga busingye.

Ekintu ekirikushasha abantu ,nibagyira ngu kubarikurugayo babigamba abebembezi benda kubaita ngu nibabahemura barikwenda ngu batagaruka kugamba n’ab’amakuru kuza kubahemura nka disiturikiti.

Ahitwaza kuhikira omumaka ga bamwe, twashanga enjara eri ey’okubaita; abaana bato barikurwana n’amasafuriya barikuronda eky’okurya, ekirikworeka ngu embeera teboneire n’akakye.

Omumwaka gwa 1994 gavumenti ekasharamu kwegarura amahamba agarimu Bwindi hamwe na Ecuya nikwo kubingamu abantu ababeire nibatuura omumahamba aga abarikumanywa nka Abatwa beitu kwiha obwo tekabarondera ga ah’okubata ekitumire bayongera kubonabona

LEAVE A REPLY