Hedimasita wa Pearl Junior ahonire ekihome

369
0
SHARE

Abraham Muganzi, Bushenyi

Heedimasita wa Pearl Junior School omuri Bushenyi, Jasper Lany ahoneire hakye okukwatwa abeebembezi ba disiturikiti ya Bushenyi ahabw’okwenda kuremesa abaana kugyemesibwa.

Ogu ahandiikire ebaruha erikugambira abazaire abatarikwenda ngu abaana bateerwe ebikatu bya Polio hamwe na Kigutiya kuguma omuka.

Abebembeezi ba Disiturikiti ya Bushenyi izooba rya nyomwebazo batabukyeire Heedimasita w’eishomero rya Pearl Junior omuri Bushenyi ahabw’okuba ahandikiire ebaruha erikugambira abazaire okureka abaana omuka ahakiro ky’okugyema abaana.

Ceeyamani atabukire headmaster ahabwokugyezaho okuremesa entekateka ya gavumenti.

Na bwanyima heedimasita ashabire okusaasirwa omu buhandiikye.

Bwanyima y’ebi abebembeezi bebembeirwe n’ekitongore kya Lions Club Bushenyi batongoize okuteera abaana ebikatu bya Polio hamwe na Kigutiya ahu abaana 105;000 barikuza kutunga obuheereza obu.

Diisi wa Bushenyi Mahati Almalik arabwire bakuru b’amashomero goona na munonga ag’abantu-buntu okwegyendesereza okuzingamya enteekateeka egi.

LEAVE A REPLY