Okujaguza okwetegyeka okw’omurundi gwa 57: Omugyera Rwizi

386
0
SHARE

Elias Rutugusa

Obwo turikujaguza emyaka 57 ei Uganda yaahisya erikwetegyeka, nitureeba aha mbeera y’omugyera Rwizi ogu abaingi bakutiina ngu nigubaasa kwija kuhwerekyera omu maisho.

Okurugiirira aha bakugu omu by’obuhangwa bw’ensi, omugyera Rwizi niguteeberezibwa kwija kwoma twaza kuhika omu mwaka gwa 2025.

Omushaki waitu naatuhitsyaho ebyafaayo by’omugyera ogu

Omugyera gwa Rwizi niguraba omu disiturikiti za Mbarara, Isingiro, Buhweju, Sheema, Rwampara, Rakai hamwe n’ezindi.

Omugyera nigwo burugo bw’amaizi g’okukoresa omu tauni ya Mbarara hamwe n’emyanya endiijo omuri za disiturikiti zirikurenga 12.

Abantu bakaba batiina omugyera ogu.

Omwe omubaakuriire haihi na Rwizi, Ignatious Byaruhanga natutebeza eby’okutangaaza by’omugyera ogu.

Nayongyera atugambira ngu abantu baingi bakafeera omu mugyera Rwizi.

Ahabw’abantu kweyongyera kukoreraho emirimo aha Rwizi nka okuhinga, okutimba omushenyi, okuteera amatafaari, amaizi g’omugyera ogu gagyenzire nigakyendeera.

Omugyera ogu gugyenzire niguhinduka obwa hati.

Ab’eby’obuhangwa nibateebereza ngu, omugyera ogu nigubaasa kuba gutakiriho omu bwire gw’emyaka etaano erikwija.

Omugyera Rwizi nigukomooka omu nshozi za district ya Buhweju hamwe na Ibanda kandi gwine oburingwa burikurenga kiromita 8,200.

Amaizi ga Rwizi nigagyendera kimwe kurabira omu nyanja ya Mburo hamwe na Kagyera kandi nigagumizamu omu nyanja ya Victoria ahi garikwegaitira n’aga River Kagyera gagumizamu garaba omu  amahanga nka Sudan na Egypt geeshuka omu Nyanja empango eya Mediterranean Sea

LEAVE A REPLY