Yataahirira iba ahabw’okwenda kwanjura omukazi ondiijo

566
0
SHARE

Halson Kagure, Mbarara

Abantu bamwe b’omuri Mbarara bareebera okutangaara bwanyima y’omukazi Maxwell Namulindwa kutaahirira iba Micheal Byamukama kandi omushuubuzi ahari Liverpool House obwo arikumutura okumunagaho n’abaana be 2 atyo akagumizamu n’enteekateeka z’okwanjura omukazi ondiijo orwakataano rwa sabiiti egi.

Namulindwa kandi orikugira ngu babaire baamara omu buswere emyaka 12 yaaba aine obukare bw’amaani ekyareetera iba yaahunga omuduuka obutareba nyima atyo akaza aha pooriisi eyaija ekakwata omukazi

Ahi TV West yaaza kuhikira aha kyombeko kya Liverpool House ahi omwe omu barikweyeta omugaiga muto Micheal Byamukama aine eduuka, yashanga yaahungize aagye kwonka omukazi we yaaba nakicwera obwanga.

Omukaire kakye kyareetaho akashashamaro obwe abanya Mbarara n’abashuubuzi bataahi ba Micheal barikureeba firimu ya busha obwo omukazi arikugumizamu n’okuhaya nk’oku yaaba aizire kumumaririiza bwanyima y’okumureebya emyaka 12 eyi bamazire omubushwere.

Twagyezaho kumanya entandikiriro ya mpiguza-ndabeho y’abantu aba kwonka we omushaija yayanga nikwo kugambaho n’omukazi.

Entaro z’ababiri aba zitwireho ahabw’okuba n’ekitongore kya MIFUMI kibaire kyataahire omuntaro zaabo kandi Namulindwa nagira ngu ekirikumushaasha n’okushanga ngu iba ari omurukwe rw’okwanjura omukazi ondiijo orwakatano obwe atarikumureeberera n’abaana baabo babiri.

Ogu nayongyera  agira ngu iba Micheal Byamukama nobu araabe ataramugaitsire akamwanjura kandi nangwa abaire yamuhindwire ediini

Koonka ogu ku yaaba nakigambaho naitwe pooriisi yaija yamutwara buguru-butakora-hansi omu motoka eyaba nevugwa iba mpaka ahakitebe kikuru ekya Poorisi ya Rwizi.

Enshonga zaabo zaba nizikorwaho omuhwezi wa RPC otaikiriza banyamahurire bwanyima y’iba kwanga.

Poorisi n’obu eraabe etagambira aha camera, yaagira ngu omushaija aine kwongyera aha sente ezibaire nakozesa kureeberera abaana obwe bagumize ngu eky’okukwata omukazi kyaba kigyendereire okurinda obusingye.

LEAVE A REPLY