Toto Festival Mbarara: Mun G kushara empaka z’entaranta

117
0
SHARE

Patricia Turyaheebwa

Omukoro gw’abaana bato ogwa Toto Festival Mbarara abaana baingi bagwetebeekanisiize aha omuri Mbarara kandi nibahaya okwija kuhanguriramu ebiconco nyamwingi hamwe n’okuyazya aha shagama.

Toto Festival Mbarara netebeekanisibwa Vision Group kandi omuri Mbarara n’omurundi gwa kashatu obwo erikubaho kibanza ky’okwamwenda omwaka ogu

Omurukiiko rw’okutongoza embaga y’abaana ei barikumanya nka  Toto Festival Mbarara ahambuga nkuru eza Vision Group ekikuru omuri Kampala Phionah Tamale orikukurira ebiivuru Vision Group yaahiga abazaire okureeta abaana baabo ahakishaayi Kakyeka omuri Mbarara, obwo agumize ngu tihaine omwana arataahe atamazirwe , ahabw’okuba eby’okuzaanisa ni bingi munonga.

Grace Nampiima orikukurira akatabo aka Toto orikumanywa nka Auntie Toto  nagira ngu TotO Festival Mbarara ey’omurundi ogu neija kuba ey’omutaano ahabw’okuba abaana n’ab’okwetaba omubintu bitari bimwe na bimwe nka Face Painting, okuvuga endogoya kandi n’omwana orayorekye entaranta kukira bagyenzi be naija naija kwehangurira ebishare by’ishomero birikuhika shiringi miriyooni 2.

Dickens Akampumuza mukuru w’eby’emikoro omu kampuni ya soda eya Pepsi naashaba abazaire okureeta abaana baabo bakashemererwa na bataahi baabo.

Omukoro gw’abaana baato ogu guhagiirwe kampuni erikukora soda ya Pepsi na Vision Group kandi ab’eshongozi nka Mun G, n’abandi aba burengyerwa-izooba nka Ray G, Sister Charity, Kachina nibaija kushemeza abantu.

Teacher Babra nka buriIjo naija kwongyera okushemeza abaana n’okubegyesa kandi omukoro ogu nigwija kubaho ebiro 1-09-2019 omwana nashashura shiringi 10,000, kandi omuzaire nari omukuza ataahiramu busha.

LEAVE A REPLY