Poorisi necondooza eby’okwitwa kwa Ceyamaani w’Ishongorero

79
0
SHARE

Timothy Mushabe

Pooriisi omuri Ibanda eri aha kucondooza oku ceyamaani w’ekyaro ekya mushunga y’okubanza ekirikushangwa omu muruka ogwa Mushunga egomborora ey’ishongororo disturikiti eya Ibanda aitsirwemu.

Omugyenzi yaamanywa nka Herbert Tindyebwa kandi ogu aitsirwe ekiro ekyabushesha eriizooba.

Abataka ab’ekyaro ekya Mushunga y’okubanza omuruka ogwa Mushunga omugomborora ey’ishongororo disiturikiti ey’Ibanda nibo bakyera omu kikangabwa bwanyima y’omwisi atakakwatsirwe kuteemateema ceyamaani waabo Herbert Tindyebwa akamwiha omumagara g’ensi egi.

Omugyenzi bwanyima y’okumutematema tafeereireho kandi okurugirira aha bataka aizire kufeera omu irwariro ahi babaire bamwirukangiize kutunga obujanjabi.

Nikigambwa ngu omugyenzi abaire naaruga omukatauni aka Kayembe ahi omwinazi ogu amugwereire atyo akamutema .

Ahi twahikira omu mwanya ogu abataka baaba nibaruga aha muhigo kuronda arikuteekwateekwaho beitu byaba ebya busha.

Arikukora nka OC w’Ishongorero ASP Robert Agaba yaahamya amakuru aga kandi naagira ngu bari ahakucondooza n’okujuura arikugambwa okuba ari enyima y’ekikorwa eki.

Pooriisi bwanyima y’okukora ogwayo yatwara omutumbi ah’irwariro erya Ishongororo kwongyera kukyeberwa.

LEAVE A REPLY