Omushaija aitsire omurumuna yamuziika, Bunyangabu

175
0
SHARE

Jonan Tusingwire

Emiranga, n’amarira nibyo byakyera omu bataka b’ekyaro kya Mukitenzi Kisomi, Buheesi Town Council omu district ya Bunyangabu bwanyima y’okujumbura mugyenzi waabo aitsirwe kandi aziikirwe omu kiina.

Nikigaambwa ngu Lucky Dube ow’emyaka 25 akabura ahaizooba ry’orwokubanza kandi na bwanyima ahaizooba rya nyomwebazyo abataka batandikiireho omuhiigo kumuronda

Kwonka ahabw’entaro ezi nyakufa atuura aine na mukuru we Kwikyiriza Brian, ow’emyaka 35 kigyemesereize abataka kumwekyengyera kuba namanya ahimuto we ari.

Omukasheshe k’eriizooba, abataka bataahirira Brian, obwo barikwenda ngu abagambire ahi omurumuna ari kandi aha niho yaikiririza kurungi ngu akamwita kandi yaamuziika.

Eki kyanyizya abataka kandi aha niho baamukwatira bakatandika kumuteera embooko police niyo yarahuka kumwiha omumikono y’abataka aba abaaba nibaburaho kakye kumwita.

Nyakufa yashangwa aziikirwe enyima y’enju ei bombi babeire nibatuuramu kandi aha bwanyima y’okuriinda pooriisi ngu eije ebahwere kuziikuura omutumbi ekabura, abataka basharamu bayekwatiramu nikwo kumuziikuurayo.

Abataka abutwagambaho nabo bashaba gavumenti ku egarura enkora y’akaraba bagumize ngu kakaba kakyendeize emize nk’egi.

Enju eyi nyakufa hamwe na kiita babaire nibatuuramu abataka bagicwekyereza n’ebibaire birimu.

Poriisi yahika omu mwanya ogu kandi yashaba abataka obutatwarira amateeka omungaro.

LEAVE A REPLY