Kooti yabinga omushango gw’orikweyeta omugabe

127
0
SHARE

Elias Rutugusa

Kooti omuri Mbarara yabinga omushango ogu Gavumenti yaahababeire orikweyeta omugabe wa Ankole, Umar Asiimwe, ahabw’okuburwa obujurizi

Umar Asiimwe akaija kukwatwa omu kwa kabiri kw’omwaka ogwahwaire bwanyima ya minisita w’ekikura ky’abantu Hajjati Janat Mukwaya kuragira ngu akwatwe ahabw’okweyeta eki atari n’okureetaho okwebaganisamu omu bantu ba Ankole.

Ebiro 15/02/2018 Umar Asiimwe  orikweyeta omugabe wa Ankole nibwe yakwatwa n’abatahi be 4 abarimu Max Muhumuza, Joseph Kankiriho, Brenda Katushemerirwe na Wycliff Amanya.

Aba bakatebwaho emanja zirikuhika 7 ezirimu okuretaho akashashamaro, okuretaho okwebaganisamu okweyeta ekyatari hwemwe nezindi.

Erizooba, barikurebekaho omumaisho g’omuramuzi w’eidara ry’okubanza Sanyu Mukasa, aba bihwaho orubanja bwanyima y’okubura  obujurizi burikumara aha birikubagambwaho.

Umar Asiimwe orikweyeta omugabe wa Ankole, arikugambaho nabanya makuru yagira ngu yaza kugumizamu n’emirimoye kandi yajumira abakushisha eiziina rye  ngu narwanisa gavumenti.

Ogu yayongyera yagira ngu yaza kukwatanisa na gavumenti barwanise entakimazire namunonga abo boona abayokize orubiri rwe omuri Itaaba, Kyabanyoro omuri Nyakayojo Mbarara.

Bamwe omu bantu abaija bamushendekyerize bayoreka okushemererwa.

Nabwe Umar Asiimwe n’obwarabe yasinga orubanja oru beitu akiine emanja ezindi omu kooti ezirimu okutahirira ishe Kaweesa Idrisa, omu butikirizaana obwaretire orubiri rwayokibwa obwe barikufa noha oshemerire kutwara ekitebe ky’omugabe.

LEAVE A REPLY