Paasita n’omukazi we bakwateirwe okutuntuza omwaana waabo

407
0
SHARE

Richard Nahabwe

Pooriisi omuri Burunga Kazo ekwatsire Pastor w’emyaka 40 n’omukazi we ahabw’okutuntuza omwana waabo.

Muka paasita ogu ni muk’ishe w’omwana kandi nikigambwa ngu omwana ogu aine emyaka 16 baitu ngu bakatandika kumutuntuza aine emyaka nka 10 y’obukuru kuhisya obu abataka baruhire bakaruga omu mbeera.

Tv west ehikire omuri Burunga aheshangire omwana ogu owu ishe orikweyeta pastor namukaishe kwonka kitutwarire killomitres 5 kuruga ahomwana arikurara kuza omu rutookye ahitushangyire arikwombera omwata.

Mukuru w’entebe ya 5 Kiruhura ashabire abataka kuguma nibeterera enduru n’okuha amakuru bukiri kare baheza kureba ekintu nkeki .

Nikigambwa ngu omukazi omanyirwe nka Nshemereirwe Florence abaire nateera omwana amwima n’ebyokurya akiheza kuteera omwana ayakiira ishe Paasita Ndairwe Aron naawe amuteera.

Obwahati wareeba omwana oine emyaka 16 nobaasa kugira ngu aine emyaka 8

Omwana ogu akuumiirwe aha Pooriisi ya Kazo ahi ariyo natungira obujanjabi.

Nikigamba ngu Burunga omuri Kazo okubonabonesa abaana nikweyongyera kandi bataka bashabirwe kuguma nibataaha omu nshonga ezi abaana batakabonabonesiibwe munonga.

LEAVE A REPLY