Eirwariro rya Kagadi riri kubi

486
0
SHARE

Eirwariro rikuru erya Kagadi District General Hospital rimazire ebiro 2 ritarikwikiriza abarwaire omu Ward y’abakazi b’enda hamwe n’omu Theatre bwanyima y’okubura amaizi ah’irwariro ryona.

Nikigambwa ngu ekyoma ekirikusindika amaizi omu tanka kikateerwa amashanyarazi sabiiti 2 enyima.

Abarwaire nibagira ngu batwire barikugura amaizi esente zirikwingana 500 kandi abandi batwire nibakozesa Boda Boda eya 2,000 kuza kugura amaizi omu tauni.

Simon Peter Tumusiime orikwirukanzya emirimo y’irwariro rya eri agizire ngu irwariro eri ryine emigyera 2 beitu kandi ekyoma ekiri kusindika amaizi nikyo kyateirwe amashanyarazi

Peter agumiizemu yagira ngu bakeemereza kuheereza abarwaire ebitanda omu Ward y’abakazi ab’enda hamwe na Theatre ahabw’okuba ezi ward nizo zirikukozesa amaizi maingi.

Stephen Byaruhanga Nfashingabo ori mukuru w’entebe ya 5 ahabwa disiturikiti egi agizire ngu okwemereza oku kukakorwa omuburyo tahikire kandi bo nka disiturikiti tibaratungire okumanyisibwa kwona ngu irwariro rikingire.

Bwanyima y’embeera kuba kubi, disiturikiti na RDC bakarangirira ku disiturikiti ehayo emotoka eraagume erikureeta amaizi nikwo abarwaire babajanjabe kandi baheereze abo abarikuba barikubi ebitanda.

Ekyoma ekyahiire nikigura ahagati ya million 6-8 kurugiirira akatare aku waaguramu.

LEAVE A REPLY