Murekye okwebaganisamu

300
0
SHARE

Simon Ayamba

Abantu baingi nibakira kwikiriza omu banyadiini nk’abantu abahikiriire abari kubaasa kubahabura, beitu omwe aha baheereza aba, naagira ngu naabo baine ebizibu byabo bingi ebikubateganisa; nikwo kushaba entaama za Ruhanga okuguma nibabashabira.

Ebi bigambirwe aha kanisa ya Healing and Trust obu paasita waabo Joseph Mugisha abaire nasiima.

Omukoro ogu gutandikire n’ekitambo kya Misa ekibaire kyebembeirwe His. Grace Paul. K . Bakyenga ori Archi Bishop w’eitware rya Mbarara kandi ogu ashabire abantu okwebembeza ekigambo ky’eby’obwegyese.

Paul K Bakyenga ayongyeire yashaba abantu okukoresa itaka rikye eri baine okukoreraho eby’entunguuka.

Dr. Chris Baryomunsi ori Minisita w’eby’oburaaro n’amaju kandi obaire ajwekyeire Puresidenti aha mukoro ogu ogw’okurundaana sente z’okwombeka ekelezia ya St. Joseph’s Nyakyera ashabire abantu okurekyer’aho okuronda abeebembezi obwe begamire ediini n’enganda.

Puresidenti Museveni ahaireyo omuganda gwa sente zirikwingana Miriyooni 30 ahi omujwekyerwa omu ishengyero ahabwa abakyara ba Ntungamo ayorekire okusiima ahabw’obushagiki obu.

Sente zirikurenga omuri Miriyooni 65 nizo zirundainwe okugumizamu n’omurimo gw’okumariiriza okwombeka ekelezia ya St Joseph’s, Nyakyera.

LEAVE A REPLY