Ogwa Mbarara City FC na URA FC gwongyeziibweyo

393
0
SHARE

Edwyn Ram na Patrick Kabateraine

Omuzaano gwa Mbarara City FC na Uganda Revenue Authority FC ogubaire guri ogw’okubaho orwamukaaga oru gwongyeziibweyo ahabw’enshonga z’Ekinihiiro kya Radio West.

Omuzaano ogu hati FUFA eguteire ahabiro 02.08.2019

Tiimu egi hati eri ahakwetebeekanisiza omuzaano ogu  ahu erikwija kutayayisa Uganda Revenue Authority FC hamwe na sizooni ensya y’empaka za Uganda Premier League.

Mbarara City ei omutendeki waabo, Charles Livingstone Mbabazi, yangyenzire arikugaruka Onduparaka, ekahereza omumwanya gwa 5  omu mpaka za sizooni ehweire bwanyima ya sizooni kuhwa abazaani 6 naabo abarimu Ivan Mbowa, Rashid Muhammed, Ronnie Kiseka, Ali Kimera, Salim Hood, Sam Kansiime na Methodius Bassey boona ekabarekura.

Bwanyima y’aba kugyenda hati eyongyeiremu Gadafi Ghadinho owarugire Onduparaka, Solomon Okwalinga, nawe agarukire aha tiimu egi, hamwe na Bashir Muwesi ou baguzire kuruga Katwe United.

Omugandi makuru;

Omuzaani difenda Yerry Mina owa Everton yahebwa eizooba ry’orwakatano kubasa kwehozaho aha aha mushango gw’okwejwanzya omu by’okubetinga.

Difenda Mina emyaka 24 kandi enzarwa ya Colombia  takagambire ekintu kyona aha mushango ogu kwiha bamwoherereza ebaruha y’omushango ogu.

Aba FA nibagira ngu difenda Yerry Mina Fernando Gonzalez nabasa kufubirwa munonga omu sente hamwe n’okuzibirwa kuzaana omuhendo gw’emizaano mingi. Mina azaniire Everton emizaano 15 kandi yateeba goora emwe yonka kwiha yaruga omu Barcelona omu mwaka gwa 2017-18.

LEAVE A REPLY