Omukama wa Toro atandikire kurambura amashaza

Atandikire nishaza rya Kyaka omuri Kyegegwa kandi ogu ashabire abantu ba Kyegegwa kurinda eby’obuhangwa na munonga ebisharara n’ebibiraOrutayayo rw’omukama rubaire aha Kishayi Kya Kasule P/S omugomborora ya Kasule kandi abataka bagambire omukama oku ab’eby’obutegyeki bariyo nibabaganisamu abantu omu nganda ahabw’enshonga z’okuronda akaruuru.

Benard Tungwako ori omuhikirwa w’omukama omukugarukamu abataka agizire ngu okumaraho ekizibu ky’ab’eby’obutegyeki kubaganisamu abantu, abarabwire kutunga ebyapa by’amataka gaabo.

Omukama Dr. Oyo Nyimba agambire abantu ba Kyegegwa ngu barekye kunaga kasasiro ahi baabona nk’omu bisharara oteireho n’okureka kucwekyereza ebibira kandi bashomese abaana baabo.

Eminyeeto eyorekire amashemererwa ahabw’omukama kubatayayira oteireho omutwe omukuru ogwe mpango y’omwaka ogu ogw’okubyara emiti kugaruzaho eby’obuhangwa.

Omukama ahendeire arikubyara omuti ah’ishomero rya Kasule P/S nk’akamanyiso k’okugaruzaho eby’obuhangwa