Stuart Twinomujuni
Abataka omu muruka gwa Kabugu omugomborora ya Kabuyanda omudisturikiti ya Isingiro nibetomboitira abeebembezi ahabw’okuremwa kubakorera orutindo rwa Kabugu oru barikugira ngu rumazireho abaana b’eishomero barikugwamu.
Kuruga omwaka ogu gutandika, aba nibagira ngu ruhikize abaana 3 b’eishomero rya Kabugu Primary barikugwamu ngu kandi abeebembezi baabo bakarwehuzya.
Obuseeri bw’orutindo oru hariyo eishomero rya Kabugu Primary eri abaana baryo 3 batweirwe amaizi ahabw’orutindo obutakorwa kandi abataka nibagira ngu rurengire amaani gaabo okugira ngu barwekorere omuri za burungi bwansi .
Oru, n’orundi orwa Kagoto ya kabiri nizo zerarikiriize abataka b’ekyanga eki kandi ahabw’ekyekango ekyabahikireho, bamwe omubazaire nagira ngu bakagyemeserezibwa okwiha abaana baabo omumashomero ga gavumenti ag’obuseeri bwentindo ezi
Ngu abeebembezi baabo tibafeireho kwonka ku bayeteereire enduuru harugayo omunyambabazi obaasize kubakorera rumwe ahantindo ezi kandi tusigire baherize kubyaara culverts.
Abantu omumyaanya miingi omudisturikiti ya Isingiro nibateganisibwa ekizibu ky’emihanda kandi ngu kuyakukorwa, embeera zaabo zibaasa kutereera.
