Minisita ayehanangisiriize aba Kasese kugyemwa endwara ya Ebola

197
0
SHARE

Gilbert Muhanguzi na Hweza Wilfred

Bwanyima ya Minisita w’eby’amagara kutaayayiraho omu disiturikiti ya Kasese ayehanagisiriize abantu kwejumbira omu kugyemwa omubazi ogurikukyendeezaho omuntu okukwatwa endwara ya Ebola.

Ogu naagira ngu abantu ku barayejumbire omu kugyemesibwa nikiija kukyendeeza endwara ya Ebola etwire omuri Uganda.

Minisita ashagatirwe abeebembezi   ba disiturikiti ya Kasese babandize kugiraho orukiiko ahari Margherita Hotel bwanyima nikwo kuza ah’irwariro rya Bwera ahi barikujanjabira abantu ab’okuteekwateekwaho kuba baine endwara ya Ebola.

Dr. Loyce Kabyanga orikukurira eijanjabiro ry’abantu abarikuba barwaire endwara ya Ebola ahari Bwera nagira ngu betebeekaneise ekirikumara.

Minisita nayongyera agira ngu  kikigumire okurangirira ngu endwara egi teri mu Uganda ahabw’okugira ngu omuri  Congo ekirimu kandi niryatana na Uganda.

Obwa hati endwara ya Ebola omuri Uganda yamazire kuba neyitamu abantu babiri abarimu omwana w’emyaka 5 n’omukaikuru w’emyaka 50.

Omugandi, Mukuru w’eby’amagara omu district ya Kanungu agizire ngu eirwariro rya Matanda eritwire riri aha rurengo wa Health Centre 2 ryaherize kutunga miriyooni 500 kuhindurwa Health Centre 3. Eki kitwire kiri ekyetaago ky’abantu ba Matanda ahu batwire  emyaka yoona batakatungaga eirwariro rya HC3 omugomborora yoona.

Aba Uganda Debt Network bagizireho orukiiko orubashwijumire eby’amagara omu disiturikiti kandi bashangire ngu hariho ekyetengo kihango okuhindura eirwariro eri HC3 ahabw’okuhisya abantu obuheereza burungi.

Matanda n’egomboora erimu abantu baingi kandi obwa hati haiziremu n’empungi  kuruga Congo ezitandikire kwombekyerwa Kampu okutuuramu.

Twegaiteho aha:
https://youtu.be/KCOXIBb1B1c

LEAVE A REPLY