Tauni kanso ya Kyegegwa ekingire akatare ka central market.

224
0
SHARE

Philip Murangira na Gilbert Muhanguzi

Abashuubuzi abarikukorera omu katare ka Kyegegwa central market bashobirwe bwanyima y’okwimuka bakashanga abeebembezi ba Tauni kanso bakingire akatare kaabo ahabw’obutashashura mushoro.

Abashuubuzi abitushangire aheeru y’akatare bashobangirirwe kandi baine obwoba bwingi ngu ebintu byaabo byaza nibyija kusisikara.

John Bagonza ori ceyamaani w’akatare aka nagira ngu bakaba baikirizaine naba Tauni kanso kugira ngu bashashure orwakatano ngu konka bagwerirwe akagwe obu kanso eizire ekakinga akatare kandi ngu harimu n’abashashwire omushoro gwona.

Omuhwezi wa Mayor ahabwa Kyegegwa Tauni Kanso William Mwesige ogu agizire ngu bakeeta abashuubuzi baikirizana nabo ahakushashura omushoro ngu kwonka araashashure nibaza kumwiguriraho.

Ahitugiire kurugira aha mwanya ogu aba tauni kanso babaire baigurireho abashuubuzi 6 kwonka aba tibabaasize kutwikiriza kwongyera kukwata ebishushani.

Omugandi agarikweshushaniriiza n’aga, abashuubuzi ba Kasinde Central Market nabo bakingiirwe aheeru y’akatare ahabw’okwanga kushashura sente z’okugura ebaketi na jik y’okuguma nibanaaba baba nibataha omu katare aka ahabw’okwekingira oburofa na Ebola.

Godfrey Kabyanga Kiime ori meeya wa Kasese munisiparite yajumiirira ekikorwa eki ngu  abashuubuzi babahikire ahabw’okuba babaire bataminyisiibwe

 

LEAVE A REPLY