Omunya Rwanda akwateirwe okuhinga enjaayi omuri Kiruhura

240
0
SHARE

Stuart Twinomujuni

Amahe ga UPDF hamwe na Poriisi bakozire potoro omu gomborora ya Kikatsi, disturikiti ya Kiruhura ahu bashangire omunya Rwanda ahingire enjaayi ahari hiika emwe n’ekicweka z’eitaka bakamukwata kandi nayo bakagikuura.

Ceyamaani w’omwanya ogu agizire ngu okukwata omushaija ogu kubaire kutabanguhiire bwanyima y’okugurukira OC wa pooriisi akamukwata etaayi baitu akahwerwa amahe ga UPDF

Omushaija ogu yamanywa nka Zampiyeri Urukundo kandi twamushanga ahagomborora ya Kikatsi ahuyaaba akomiirwe n’ebizibiti by’enjaayi ei bakuura omumusiri.

Ceyamaani wa cell ya Rugaaga ahu enjaayi egi ebaire ehiingirwe yatugira ngu nyakukwatwa kakye aniganigye OC amaraka owaaba ayizire kumukwata bwanyima y’okumukwata ebitogi  baitu akayambwaho bataahi be.

Lt. Col. Edson Akanyihayo obaire akuriire aba UPDF nagira ngu ebikwekweto ebi nibyeija kugumizamu ngu ahabw’okuba batungire okumanyisibwa ku abahingi b’enjaayi bari baingi omukicweka eki.

Nyakukwatwa ngu nayija kutwaarwa omumbuga z’amateeka kubuuzibwa kana na kataano ahamishango y’okwinegyeza okutambuza ebitokoza bwongo

Yereebere emboozi aha:
https://youtu.be/Q7-tNCwAqwU

LEAVE A REPLY