Kazo batandikire ehururu y’okugaruza abaana ah’ishomero kifuba

219
0
SHARE

 

Richard Nahabwe

Abeebembezi omu disiturikiti ya Kazo bwanyima y’okumanya ngu omubaro gw’abaana abarimu nibaruga omu mashomero gweyongyeire, bateireho omuhiigo gw’okubagaruza omu mashomero kifuba kandi ababaire nibashangwa omumatauni barikuzenga babaire nibateerwa.

Ekikwekweto eki kibaire ky’ebembeirwe GISO n’abakansara abarimu sipiika w’egomborora ya Kazo n’abazaire kandi aba babandize omu rukiiko kushomesibwa.

Omukugambaho na TV West ori mukuru w’eishomero rimwe omuri Kigarama naagira ngu abaana barikuhika 20 nibo barugire omu ishomero omukwezi oku kandi n’omubaro gw’abarikurugamu nigukyeyongyera.

Na bwanyima nikwo kutandika kuhiga abaana abatorokire omu mashomero kandi abakwatsirwe bafubirwe.

Ebyo bikiri aho embeera y’amashomero nayo neyerarikiriza omuri Kazo na munonga ah’ishomero rya Buteeraniro ahi baana barikushomera omu Kereziya kandi abamwe emira ney’okubaita.

Eishomero eri ribaganisiibwemu kabiri ebirago kandi n’amadirisa wagareeba notangaara.

Abazaire omuri Kazo nibakitwaza makye omu ky’okushomesa abaana.

Kuratira emboozi egi ahandagiiriro egi:
https://youtu.be/YgeB5a82Sm4

LEAVE A REPLY