Abaana abataine h’okushohoreza nibeyongyera

243
0
SHARE

Halson Kagure

Sumahiya Kabahinda yaaza kukutekyereeza emboozi y’embeera ei arabiremu n’ omwaana we Daniela Nuwahereza noshoberwa. Ahabw’okuba kwiha azaarwa batwire nibetoorora amarwariro goona kutunga obujanjabi ahabw’okugira ngu akazaarwa ataine h’okushohoreeza obubi.

Kabahinda enzaarwa ya Kiruhura kandi ou twashanga ahari Mbarara Referral naronda obujanjabi nashoboorora arikugira ngu omwana ogu akaba nashohoreza omubukazi ningashi omukanwa.

Sumayiya Tiwe muzaire wenka otwire omumirabanamu y’omwana we owazairwe ataine h’okushohoreza. Beitu na Jenipher Twanyireneza ayine omwana w’okweezi kumwe kandi okutaanaho nogu  ogu okazarwa  atiine kantu koona akarikushohorezamu

N’obu kiraabe kiri ngu ekirikureetwa oburwaire obu tikyakamanyirwe eki nikiijaho omwaana yaaba akiri omunda ya nyina ahagati ya esande itano n’ amushanju

Center for Disease Control and Prevention negira ngu aha baana 5000 omwe nazarwa ayine oburwaire obu kandi ahari Mbarara Regional Referral Hospital buri kwezi nibatungaho abaana abari ahagati ya 2 na bataano .

Abakugu hoona bayoreka okwerarikirira ahabwa ibura ry’amajuta agubaine kuba nibasiiga aha baana abu barikuba nibashemeza.

Washemezibwa abakugu nibahabura ngu abazaire baine kurebeka ngu  bakuma  obuyonjo aha baana baabo kwenda kwerinda endwara.

LEAVE A REPLY