Ekya Hazard kuza Madrid kibaasa kuhwera Man Utd

250
0
SHARE
Omuzaani wa Chelsea Eden Hazard, 28, yaahamya ku arikuza omu Real Madrid bwanyima y’okuta omukono ahandagaano obwo arikugurwa miriyooni 88.5 eza Euros. Beitu sente ezi zibaasa kweyongyera kuhika 130 wagaitamu n’ebindi bingi ebirikugyenderwaho aha diiru egi erimu okukyebera (medical tests)
 
Naija kuba natunga omushaara gwa Euros 400,000 kumara emyaka 5.
 
Eki kibaasa kureetera tiimu ya Manchester United kutunga omugisha gw’okugura omuzaani James Rodriguez, 27, kuruga omu Real Madrid beitu otwire aha looni omu Bayern Munich.
 
Rodriguez, ayangire ekitenso kya Bayern Munich kumugurira kimwe beitu kooki wa Real Madrid, Zinedine Zidane, abaasa kumutaho akashonshorekye k’okumuhaanisamu Paul Pogba ou Manchester United erikwendamu miriyooni 160 za Euros.
 
Ebyo bikiri aho, okuranga kwa Real Madrid ku eguzire Eden Hazard kubaireho ah’izooba niryo rimwe obu Chelsea egiire omukooti ejuririrwamu kushaba ku babaihaho ekiheneso ekirikubazibira kugura abazaani kumara “transfer windows” 2 ahabw’okusingwa orubanja rw’okugura abazaani abari ahansi y’emyaka 18 kuruga eseeri y’amayanja

N’ebya Inteneeti

LEAVE A REPLY