Kamwenge nibashabwa sente z’okutunga ebya Operation Wealth Creation

355
0
SHARE

Anthony Atwine

Abataka omugombora ya Buhanda omukyaro kya Bujumiro hamwe na Iryangabi omu ishaza rya Kitagwenda erikushangwa omu disiturikiti ya Kamwenge nibacwera obwanga.

Abeebembezi nibabashoroozamu sente obwo barikubaraganisa kubaha ebintu bya Operation Wealth Creation kandi n’ebya busha

Aba nibatunga akakumu mukuru w’entebe ya kashatu hamwe n’abandi bebembezi ahabw’okubashoroozamu sente kuruga ahari shiringi 50,000 kuhisya 500,000 kubaha ebintu bya Operation Wealth Creation

Operation Wealth Creation n’ekitongore kya Gavumenti ekirikujunaanizibwa kugabira abantu ebintu ebirikubahwera kuruga omubworo kandi aba babaire nibenda kubaha empunu n’ente beitu aba nibagira ngu babandize kubashaba sente.

Okukira munonga, aba akakumu nibakatunga Ceyamaani w’entebe ya 3 ahabwa Buhanda. Beitu ku tumuteereire esimu kugambaho nawe, yabyehakana.

Mukuru w’ekitongore kya Opertaion Wealth Creation omuri Kamwenge naagira ngu nikimushaasha kuhurira ebigambo ebi, ngu abebembezi nibo barikukora eki.

“Twena twakwatwaho. Kandi mbwenu reka ngambe ngu n’okucondooza kwatandikire. Ahabw’okuba ningira ngu obu naagambira Ceyamaani, ekintu eky tikyakiri kyangye, kwonka ninshaba ngu abantu abo abu kirikukwataho, batakaatiina ofiisi yangye eigwire, baije tukigambeho tutungye omubazi” Maj. Duncan Magyezi nikwo agizire.

LEAVE A REPLY